Mátun á peysum fyrir N1-mótið og fl.

Á mánudaginn 24.júní nk. verður mátun á hettupeysum fyrir þá sem vantar peysu fyrir N1 mótið.

Fyrir stráka sem eru á æfingu kl. 13.30 verður mátun þá.

Fyrir aðra sem eru að keppa síðar um daginn, verður mátun fyrir leik.

Peysan mun líklega kosta um 4400 kr.. Ef fleiri en 20 peysur verða pantaðar, mun verðið verða um 4000 kr. Margir strákar af yngra ári eiga peysur frá því í fyrra en þó ekki allir.

Lagerstaðan var ekki mjög sterk hjá þeim í Margt Smátt en mér var sagt að ef það þarf að panta, þá fá þau pöntunina á mánudaginn 1.júlí og var okkur lofað að þær yrðu þá klárar daginn eftir. Það er þó ekki víst að til þess komi.

Tjaldsvæði

Þar sem það vantaði nokkuð marga á fundinn, þá væri gott að fá senda línu frá öllum þeim sem ætla að vera á tjaldsvæðinu. Búið er að taka frá pláss fyrir Hauka á tjaldsvæðinu á Hömrum. Við þurfum hins vegar að láta vita ca. hversu mörg tjöld munu vera þar.

Það væri því gott ef að þeir sem ætla að vera á tjaldsvæðinu láti vita á netfangið [e-mail] sem fyrst.

Grill

Á föstudagskvöldinu 5.júlí er áætlað að hafa grillpartí á tjaldsvæðinu ef veður leyfir eins og gert hefur verið undanfarin ár. Hins vegar vantar okkur grill til þess. Ef einhver getur útvegað slíkt, væri það vel þegið. Það væri gott að fá senda línu á [e-mail] ef einhver getur útvegað grill.

 

Foreldrastjórn

Athugasemdir

[Birgitta (IP-tala skráð) 24.6.2013 kl. 09:34]

Ég ætla endilega að fá peysu fyrir Daníel Aron. Hann mátar bara hjá ykkur í dag :)